雖然已把談判延長了3天，但加拿大和美國的關稅談判週五深夜依然以破裂告終，美國貿易談判代表格里爾（Jamieson Greer，右照片）在美加東岸時間週五晚上11點半向記者表示，加拿大不願在本週較早時兩國同意的條款下同意貿易協議最終細節。美國官員透露，早前華府警告向200億美元加拿大進口實施的新關稅會隨即在東岸時間週六凌晨零時1分生效。
由澳洲飛英國，之前通常會喺杜拜、多哈呢啲中東航空樞紐轉機，但係近期戰火影響，區內好多機場關閉，或者有限度服務，乘客被迫改去東亞城市轉機。澳洲男士時尚生活媒體 Dmarge 近期因為員工要出差歐洲，網上搜尋機票時，發現國泰雪梨經香港飛倫敦希斯路嘅來回機票，商務客位每人盛惠39,492.28澳元，折合超過22.1萬港元，貴到嚇親人。
附圖係 Dmarge 嘅截圖，佢哋搜尋4月12日禮拜日出發嘅機票，呢個係3月9號搜尋時嘅價錢。我3月10日再search一次，4月12號商務客位嘅話，剩返一個選擇，索價超過3.9萬澳元，個日經濟客戶滿晒，改坐4月13日禮拜一出發嘅話，至少3300澳元（大概1.85澳元）。
而且，正如截圖顯示，呢個價錢係「混合客艙」（mixed cabin），即係話唔係4程都有足夠商務位，乘客喺較短嘅雪梨/香港航程要坐較低級別嘅座位。
根據 Dmarge 嘅講法，過往來回澳洲英國嘅商務機票，通常9000到1萬澳元就成交，宜家多咗3萬澳元。Dmarge 話，澳洲人以往慣咗搭中東三寶去歐洲，呢3間航空公司價格抵之餘，服務又好，令對手訂價唔敢亂嚟，宜家冇咗停中東嘅選擇，澳洲人局住要經新加坡、香港、首爾等城市轉機，再加上燃料成本高咗，航空公司立即係咁加價。
英國《衛報》有跟進報導，一名英國航空分析員接受訪問講，未見過有航空公司加價加到咁誇張，但觀察到各大亞洲航空公司都將飛歐洲票價加價，經濟客位一般加到「優質經濟客位」（premium economy）。
阿聯酋航空、卡塔爾航空同 Etihad 其實仲有賣停中東機場嘅亞歐航線機票，而且好平。我search咗阿聯酋航空，同樣係4月12號出發，以商務客位計，雪梨飛倫敦來回機票6365澳元（大概3.56萬港元），香港飛倫敦嘅話，更加只係14787港元，而國泰相同來回日子嘅商務機票，最平57,047港元，另外幾個選擇都起碼6.6萬港元。
但問題係，宜家經中東轉機嘅航程好大機會取消，而旅遊保險未必會賠償，風險都幾大。
=====
如果想支持網主更新本blog、Twitter、Facebook等平台，並閱讀深度分析文章，歡迎訂閱我的Patreon，月費只是7.21美元：