瑞士食品集團雀巢公司星期六向法新社證實 ，一輛運載12噸共413,793條 KitKat 朱古力的貨車上星期在歐洲跨國運送期間被偷走 ，這架貨車連同全部 KitKat 都還未尋回，擔心 KitKat 復活節長假這個朱古力銷售旺季期間在一些歐洲市場會缺貨。
最新一期《經濟學人》其中一篇評論講出咗我嘅心聲：與其擔心啲𡃁仔上網太多，不如擔心吓你老豆老母好過
篇文話，老人家「螢幕時間」其實仲長，因為佢哋已經睇電視，宜家extra再睇埋手機、iPad，加埋好長時間
篇文循例講晒正反兩面，話老人家成日上網唔一定係壞事，可以幫佢哋多啲同啲孫、舊朋友接觸，佢哋有時唔係咁方便出街，而且佢哋已經建立咗好穩固嘅真實世界關係，唔會好似年輕人咁，咁易受網上嘅偏激思想影響；而且，佢哋反正時間多，唔上網都係做其他無聊嘢
但篇文跟住話，長者上網都有其他社會需要面對嘅成本，例如佢哋部手機會link落信用卡，可能成為騙徒獵物；又話長者比年輕人更易信網上啲fake news，而長者係最熱衷去投票個班人，所以佢哋信fake news，成個社會都出問題
篇文嘅結論最後其實係講禁止16歲以下人士用社交媒體嘅問題，佢話當青少年之間新興流行新玩意，社會就會建議禁、禁、禁，但有關社媒同上網，呢個係跨世代所有年紀都出現嘅現象，或者可以令大家再詳細一啲審視吓利弊
BTW，上個月底德國ARD電視台辯論節目傾青少年用社媒時嘅問題，其中一個出席者、25歲當地網紅 Levi Penell 確實建議：「咁不如禁埋滿60歲以上長者唔准用TikTok？」