美國總統川普、丹麥首相費德芯（Mette Frederiksen）和格陵蘭首席大臣Jens-Frederik Nielsen週二 趁在紐約出席聯合國大會期間，簽署新的格陵蘭軍事協議 。跟原有1951年簽署的協議比較，新協議最大分別在於，新協議確定美國獲准在島上新設2個軍事基地，分別是在南部的Narsarsuaq和東部的Mestersvig（文首圖片可點擊放大）。
根據觀光局嘅公佈，6月訪日外國人數按年大跌6.8%，跌至314.8萬，主要因為中國客急跌57.3%，跌至34.07萬。另外，一啲客源市場嘅假期時間同舊年唔同咗，而且航班少咗，都出現訪客下降嘅情況，當中跌得較多嘅有泰國、菲律賓同德國。
香港方面，6月訪客人數比舊年同期大增28.5%，升至21.43萬。新聞稿話，舊年呢段時間，香港因為日本就嚟有大地震嘅謠言而開始拖低香港人遊日人數，另外，端午節舊年喺5月、今年喺6月中旬，以及大學生訪日需求增加，呢啲因素都導致香港訪客人數增加。
從6月數字睇嘅話，香港人遊日市場似乎已逐漸走出「我所看見的未來」嘅陰影。
至於五大市場中，剩返個3個市場嘅情況：
* 南韓6月訪客人數多咗7.8%，至78.71萬
* 台灣多咗14.6%，達到67.04萬
* 美國升2.7%，達到35.45萬
總結上半年，外國人訪日人數為2108萬，比舊年上半年跌咗2%，係2021年持續受武漢肺炎打擊後首次上半年下跌。香港喺呢段時間升咗2.2%，人數為129.85萬，中國大跌56.4%，至205.82萬；南韓增長18.6%，人數567.51萬，台灣增加20.9%，人數397.22萬，美國升7.1%，人數182.17萬。
國土交通省觀光廳同日公佈咗外國遊客在日消費統計，雖然中國客總消費因為人少咗而大跌，但4-6月整體遊客消費額仍有0.2%升幅，升至25096億日圓。
若果連同1-3月第二次速報嘅統計，外國遊客在日消費喺今年上半年升咗1.3%，由舊年上半年47846億日圓升至今年1-6月嘅48469億日圓。
中國客原本係喺日本總消費最多嘅外國遊客，但佢哋嘅消費額由舊年上半年10812億日圓急跌至5332億日圓，跌咗成50.7%，佔比亦由22.6%急降到11%，宜家只係第4大市場。
香港客繼續穩守第5大市場嘅位置，由於1-3月總消費跌咗3.5%，稍為抵銷咗4-6月嘅7.8%升幅，所以香港客上半年消費只係升咗1.8%，由2881億日圓升至2934億日圓，人均消費為22.5萬日圓左右。
以消費額計，日本旅遊業最大市場係台灣，今年上半年總消費7527億日圓，第二大市場美國係6448億日圓，連南韓都爬埋中國頭，成為第三大市場，達5768億日圓。
=====
如果想支持網主更新本blog、Twitter、Facebook等平台，並閱讀深度分析文章，歡迎訂閱我的Patreon，月費只是7.21美元：