第76屆柏林影展週六公佈了各個獎項得主， 其中最高榮譽金熊獎由德國籍土耳其裔導演 Ilker Catak 執導的德國/土耳其/法國電影Yellow Letters（暫譯《黃色的信》）奪得 。Catak 之前已憑2023年電影《權鬥教員室》（The Teachers' Lounge）獲得美國奧斯卡最佳國際電影提名。
美國總統侵侵結束喺荷蘭海牙嘅北約（NATO）峰會，返返美國，期間北約秘書長呂特（Mark Rutte）一句「爹哋」（Daddy）令各界矚目，而侵侵似乎好受，白宮禮拜三晚喺X發帖文提及佢今次北約峰會外訪時，相關短片用咗Usher 2010年嘅歌曲Hey Daddy (Daddy's Home)，帖文亦都寫咗當中一句歌詞「daddy返屋企啦... 嘻！嘻！嘻！Daddy」。
事源侵侵同呂特一齊見記者，期間被問到以色列同伊朗好似唔想停火咁，而且仲爆粗鬧佢哋，侵侵回答時就形容兩個國家好似喺學校打交嘅細蚊仔，打得好勁，根本阻止唔到，咁不如畀佢哋打多兩、三分鐘，之後先至易啲制止。
喺呢個時候，呂特就加把口話：「爹哋有時啲語氣係要重啲。」
呂特之後接受CNN訪問時澄清，佢個時唔係嗌侵侵做爹哋。佢解釋，歐洲有啲國家有時問佢，究竟美國介會唔會履行北約承諾撐歐洲，呂特話佢覺得咁樣好似小朋友問爹哋會唔會留喺屋企，所以令佢諗到爹哋呢個比喻。
有啲人覺得呂特擦侵侵鞋擦得好肉麻，但亦有人估呂特係唔係串緊侵侵。不過，侵侵就好受落被人嗌爹哋。佢喺峰會結束、喺海牙舉行記者會時，有記者提及呂特嘅發言，然後問侵侵會唔會當北約盟友係自己啲細路？
侵侵笑住口咁答：「我覺得佢（呂特）好like我，如果唔係嘅話，我會話畀你聽，我會返嚟（歐洲），打鑊佢金。佢講得好有感情喎，『Daddy，你係我 daddy~~~』。」
=====
如果想支持網主更新本blog、Twitter、Facebook等平台，並閱讀深度分析文章，歡迎訂閱我的Patreon，月費只是7.21美元：